കാസർകോട്: പത്തും പതിനൊന്നും വയസ്സുള്ള ആൺകുട്ടികളെ പ്രകൃതിവിരുദ്ധ പീഡനത്തിനിരയാക്കിയ കേസിൽ മദ്രസ മുൻ അധ്യാപകന് 53 വർഷം കഠിനതടവും 3.25 ലക്ഷം രൂപ പിഴയും. കർണാടക വിട്ല പട്നൂരിലേ അബ്ദുൽ ഹനീഫ മദനി(44) ക്കാണ് കാസർകോട് അഡീഷണൽ ജില്ലാ സെഷൻസ് കോടതി(1) ജഡ്ജി എ മനോജ് വിവിധ വകുപ്പുകൾ പ്രകാരം ശിക്ഷ വിധിച്ചത്. പിഴ അടച്ചില്ലെങ്കിൽ മൂന്നര വർഷം കൂടി തടവ് അനുഭവിക്കണം പുല്ലൂർ ഉദയനഗറിൽ 2016ൽ പല ദിവസങ്ങളിൽ പീഡിപ്പിച്ചു എന്നതിന് അമ്പലത്തറ പോലീസ് ചാർജ് ചെയ്ത കേസിലാണ് ശിക്ഷ. എസ് ഐ ആയിരുന്ന കെ വി ശശീന്ദ്രനാണ് അന്വേഷണം നടത്തി കോടതിയിൽ കുറ്റപത്രം സമർപ്പിച്ചത്. പ്രതി സമാനമായ മറ്റൊരു കേസിൽ ശിക്ഷ അനുഭവിച്ചു വരുന്നു. പ്രോസിക്യൂഷന് വേണ്ടി പ്രകാശ് അമ്മണ്ണായ ഹാജരായി. പിഴ തുക പീഡനത്തിനിരയായ കുട്ടികൾക്ക് നൽകാനും കോടതി നിർദ്ദേശിച്ചു
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ