കാസർഗോഡ് : ഭാരത സർക്കാരിൻറെ 'സ്വച്ചതാ പക്വാടാ' (Swachhata Pakhwada) പരിപാടികളുടെ ഭാഗമായി കാസർഗോഡ് റെയിൽവേ സ്റ്റേഷൻ ശുചീകരിച്ചു. കാസർഗോഡ് റെയിൽവേ അധികാരികളുടെയും കാസർകോട് മുനിസിപ്പാലിറ്റിയുടെയും മഡോണ സ്കൂൾ സ്റ്റുഡൻസ്, കാസർഗോഡ് ഗവൺമെൻറ് കോളേജ് എൻഎസ്എസ് യൂണിറ്റ്, മാലിക്ക് ദിനാർ കോളേജ് ഓഫ് നഴ്സിംഗ് എൻഎസ്എസ് യൂണിറ്റ് തുടങ്ങിയ എൻഎസ്എസ് യൂണിറ്റുകളുടെയും സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്. പൊതു ഇടങ്ങൾ ശുചിയായിരിക്കേണ്ടതിൽ സമൂഹത്തിലെ ഓരോ വ്യക്തിയുടെയും പങ്ക് വ്യക്തമാക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. രണ്ടു ദിവസമായി നടന്ന പരിപാടികളിൽ ആദ്യ ദിനം മഡോണ സ്കൂൾ കുട്ടികളും ടീച്ചർമാരും പങ്കെടുത്തു. കെ. സ്റ്റഡിസ് ഡയറക്ടർ നാസർ ചെർക്കളം പരിപാടി ഉത്ഘാടനം ചെയ്തു. സ്റ്റേഷൻ മാസ്റ്റർമാരായ റൂബിൻ, പ്രശാന്തൻ പി.കെ., പ്രോഗ്രാം ഓഫീസറായ ഡോ. ആശാലത സി.കെ. മൻഷാദ്, ആർ.പി.ഫ്. എസ്.ഐ. കതിരേശൻ, ബിനോയ്‌, ജി.ആർ.പി. എസ്.ഐ. മോഹൻ, ട്രെയിൻ ടിക്കറ്റ് എക്സാമിനർ സജിത്ത്, ഹെൽത്ത് ഇൻസ്‌പെക്ടർ അഞ്ജന എന്നിവർ സംസാരിച്ചു. ശുചീകരണ പ്രവർത്തനങ്ങൾക്ക് ശേഷം വിദ്യർത്ഥികൾ വിവിധ കലാപരിപാടികൾ അവതരിപ്പിച്ചു.
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ