സിനിമാ- സീരിയൽ താരം സോണിയ ഇനിമുതൽ മുൻസിഫ് മജിസ്‌ട്രേറ്റ്. വഞ്ചിയൂർ കോടതിയിൽ പ്രാക്ടീസ് ചെയ്യവെയാണ് മുൻസിഫ് മജിസ്‌ട്രേറ്റായുള്ള നിയമനം. കാര്യവട്ടം ക്യാമ്പസിലെ എൽഎൽഎം വിദ്യാർത്ഥിനിയായിരുന്നു സോണിയ. ഡിഗ്രിയും പിജിയും ഫസ്റ്റ് ക്ലാസോടെ പാസായ സോണിയ തുടർന്ന് എൽഎൽബിയും എൽഎൽഎമ്മും പഠിച്ചു (Soniya).
ടെലിവിഷൻ അവതാരകയായിട്ടായിരുന്നു താരത്തിന്റെ ക്യാമറയ്ക്ക് മുമ്പിലേക്കുള്ള ആദ്യ ചുവട്. തുടർന്ന് സോണിയ സീരിയലിലും ശേഷം സിനിമയിലും അഭിനയിച്ചു. 'വാടകയ്ക്ക് ഒരു ഹൃദയം' എന്ന പരമ്പരയിലായിരുന്നു ആദ്യം വേഷമിട്ടത്. പ്രേക്ഷകരുടെ പ്രിയ താരങ്ങളില്‍ ഒരാളാണ് ഇന്ന് സോണിയ.
'അത്ഭുതദ്വീപ്' എന്ന സിനിമയിലെ അഞ്ച് രാജകുമാരികളിൽ ഒരാളായി സോണിയ വേഷമിട്ടിരുന്നു. 'മൈ ബോസി'ൽ മമ്തയുടെ സുഹൃത്തായും എത്തി. 'കുഞ്ഞാലി മരക്കാർ', 'മംഗല്യപ്പട്ട്', 'ദേവീ മാഹാത്മ്യം' എന്നിവയാണ് സോണിയ വേഷമിട്ട സീരിയലുകൾ. അൻപതോളം സീരിയലുകളിലും നിരവധി സിനിമകളിലും വേഷമിട്ടിട്ടുണ്ട് താരം.
യൂത്ത് കോൺഗ്രസ് സംസ്ഥാന സെക്രട്ടറിയായിരുന്ന സോണിയ തിരഞ്ഞെടുപ്പിലൂടെ സംഘടനയുടെ നേതൃനിരയിലെത്തിയ വ്യക്തികൂടിയാണ്. ബിസിനസുകാരനാണ് ഭർത്താവ് ബിനോയ് ഷാനൂർ കോൺഗ്രസ് നേതാവാണ്. ബിനോയ് സോണിയ ദമ്പതികൾക്ക് അൽ ഷെയ്ഖ പർവീൻ എന്ന ഒരു മകളാണ്. അമ്മയെപോലെ മകളും കലാകാരിയാണ്. 'അമ്മ', 'ആർദ്രം', 'ബാലാമണി' എന്നീ സീരിയലുകളിൽ ബാലതാരമായി ഷെയ്ഖ തിളങ്ങിയിട്ടുണ്ട്.
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ