ഈ വര്‍ഷത്തെ യുവേഫ ചാമ്ബ്യന്‍സ് ലീഗ് ഫൈനലിന്റെ വേദി മാറ്റി. റഷ്യയിലെ സെന്റ് പീറ്റേഴ്സ്ബര്‍ഗില്‍ നിശ്ചയിച്ചിരുന്ന കലാശപ്പോരാട്ടം ഫ്രാന്‍സിലേക്കാണ് മാറ്റിയത്.ഇക്കാര്യം യുവേഫ ഔദ്യോഗികമായി പ്രഖ്യാപിച്ചു.മെയ് 28-നാണ് യൂറോപ്യന്‍ ക്ലബ് പോരാട്ടത്തിന്റെ കലാശക്കൊട്ട് റഷ്യയില്‍ നിശ്ചയിച്ചിരുന്നത്. എന്നാല്‍ ഇതിനിടെ റഷ്യ യുക്രൈനെ ആക്രമിച്ചതിന് പിന്നാലെയാണ് വേദി മാറ്റാന്‍ തീരുമാനമായത്. ഫ്രാന്‍സിലെ പാരീസിലുള്ള നാഷ്ണല്‍ സ്റ്റേഡിയത്തിലേക്ക് കലാശപ്പോര് മാറ്റിവച്ചത്. 2006-ലാണ് ഇതിനുമുമ്ബ് ഈ സ്റ്റേഡിയം ചാമ്ബ്യന്‍സ് ലീഗ് കലാശക്കൊട്ടിന് ആതിഥേയത്വം വഹിച്ചത്.ചാമ്ബ്യന്‍സ് ലീഗ് ഫൈനല്‍ വേദി മാറ്റിയതിന് പുറമെ റഷ്യന്‍-യുക്രൈനിയന്‍ ക്ലബുകളുടെ ഹോം മത്സരങ്ങള്‍ മറ്റേതെങ്കിലും രാജ്യത്തെ നിഷ്പക്ഷ വേദികളില്‍ നടത്തുമെന്നും യുവേഫ വ്യക്തമാക്കി. ഇരു രാജ്യങ്ങളുടെ ദേശീയ ടീമുകളുടെ മത്സരങ്ങളും ഇത്തരത്തില്‍ മാറ്റുമെന്നും യുവേഫ വ്യക്തമാക്കി.
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ