അതെ സമയം , മോദി വിമാനത്താവളത്തിന് തറക്കല്ലിട്ടതിന് പിന്നാലെ നോയിഡ വിമാനത്താവള മാതൃകയെന്ന പേരില്‍ ഒരു ചിത്രവും സമൂഹമാധ്യമങ്ങളില്‍ വ്യാപകമായി പ്രചരിച്ചു. ബി.ജെ.പി നേതാക്കളടക്കം പങ്കുവെച്ച ചിത്രം ചൈനീസ് വിമാനത്താവളത്തിന്റെതാണെന്നാണ് ഇപ്പോള്‍ പുറത്തുവരുന്ന വിവരം.ചൈനയിലെ ബെയ്ജിങ് ഡാക്സിങ് വിമാനത്താവളത്തിന്റെതാണ് ചിത്രം. 2019ല്‍ ‘ദി ഗാര്‍ഡിയന്‍’ പങ്കുവെച്ച ബെയ്ജിങ് വിമാനത്താവളത്തിന്റെ ചിത്രത്തിന് സമാനമാണ് ഇപ്പോള്‍ നോയിഡയുടേതെന്ന പേരില്‍ പ്രചരിക്കുന്ന ചിത്രം. 2019 സെപ്റ്റംബറിലാണ് ഈ വിമാനത്താവളം തുറന്നത്.അതേസമയം, നോയിഡ വിമാനത്താവളമെന്ന പേരില്‍ ചൈനീസ് വിമാനത്താവളത്തിന്റെ ചിത്രം ഉപയോഗിച്ചതിനെതിരെ രൂക്ഷ വിമര്‍ശനവുമായി ചൈനീസ് സര്‍ക്കാര്‍ മീഡിയയായ ഗ്ലോബല്‍ ടെലിവിഷന്‍ നെറ്റ്വര്‍ക്കിലെ മാധ്യമപ്രവര്‍ത്തകര്‍ രംഗത്തെത്തി. അതെ സമയം നേരത്തേ, നോയിഡ വിമാനത്താവളത്തിന്റെ തെന്ന പേരില്‍ ഉത്തരകൊറിയയിലെ ഇഞ്ചിയോന്‍ വിമാനത്താവളത്തിന്റെ ചിത്രം ബി.ജെ.പി നേതാക്കള്‍ പങ്കുവെച്ചതിന് പിന്നാലെ രൂക്ഷ വിമര്‍ശനങ്ങള്‍ ഉയര്‍ന്നിരുന്നു. ഇതിന് പിന്നാലെയാണ് ബെയ്ജിങ് വിമാനത്താവളത്തിന്റെ ചിത്രം ബി.ജെ.പി വൃത്തങ്ങള്‍ പങ്കുവെച്ചത്.
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ