കൊച്ചി: പുനര്‍ജനി-എഫ്‌സിആര്‍എ വിജിലന്‍സ് കേസില്‍ മുഖ്യമന്ത്രി വി ഡി സതീശനും മണപ്പാട്ട് ഫൗണ്ടേഷന്‍ ചെയര്‍മാന്‍ അമീര്‍ അഹമ്മദിനും ക്ലീന്‍ ചിറ്റ് നല്‍കിയതിനെ ചോദ്യം ചെയ്ത് ഹൈക്കോടതിയില്‍ ഹരജി. പറവൂര്‍ മണ്ഡലം എംഎല്‍എയും പ്രതിപക്ഷ നേതാവുമായിരിക്കെ 2018-ല്‍ പ്രളയബാധിതരെ സഹായിക്കുന്നതിനായി വി ഡി സതീശന് ആരംഭിച്ച പദ്ധതിയാണ് 'പുനര്‍ജനി' പ്രളയ പുനരധിവാസ പദ്ധതി. വിദേശ സംഭാവന നിയന്ത്രണ നിയമവും കേരള നിയമസഭയുടെ നടപടിക്രമങ്ങളും പെരുമാറ്റച്ചട്ടങ്ങളും ലംഘിച്ചുകൊണ്ട് സതീശന് ഈ പദ്ധതിക്കായി വിദേശ ഫണ്ട് പിരിക്കുകയും മണപ്പാട്ട് ഫൗണ്ടേഷന്‍ വഴി അത് കൈമാറുകയും ചെയ്തു എന്നാണ് ആരോപണം.
ശില്പ അനാച്ഛാദനത്തിൽ പങ്കെടുക്കാൻ ആഗ്രഹിച്ചിരുന്നു''; സംഘാടകർ മതിയായ അറിയിപ്പുകൾ നൽകിയില്ലെന്ന് തിരുവഞ്ചൂർ രാധാകൃഷ്ണൻ
കാസർകോട്: കാസർകോട് എൻഡോസൾഫാൻ ബാധിതരുടെ ഓർമയ്ക്കായുള്ള ശിൽപം അനാച്ഛാദനം ചെയ്യാൻ എത്താത്തത് സംഘാടകരുടെ പിഴവ് മൂലമെന്ന് സ്പീക്കർ തിരുവഞ്ചൂർ രാധാകൃഷ്ണൻ. പരിപാടിയിൽ പങ്കെടുക്കാൻ ആഗ്രഹമുണ്ടായിരുന്നു. അതിനായി ട്രെയിൻടിക്കറ്റ് ഉൾപ്പെടെ എടുത്തു. എന്നാൽ രാത്രി 9 മണിയായിട്ടും സംഘാടകരുടെ ഭാഗത്തുനിന്ന് അറിയിപ്പൊന്നും ലഭിച്ചില്ലെന്നും തിരുവഞ്ചൂർ പറഞ്ഞു. ഇതിനുശേഷം കണ്ണൂരിലും വടകരയിലും നടന്ന മറ്റ് പരിപാടികളിൽ പങ്കെടുത്തെന്നും അദ്ദേഹം വ്യക്തമാക്കി.