തിരുവനന്തപുരം: സംസ്ഥാനത്തെ പോളിങ് സ്റ്റേഷനുകളുടെ പുനക്രമീകരണത്തില്‍ കേരളത്തിന്റെ നടപടികള്‍ ഇന്ത്യന്‍ തിരഞ്ഞെടുപ്പ് കമ്മീഷന്‍ അംഗീകരിച്ചു. സംസ്ഥാനം സമര്‍പ്പിച്ച പോളിങ് സ്റ്റേഷനുകളുടെ പുനക്രമീകരണ നടപടികള്‍ക്ക് കമ്മീഷന്റെ അംഗീകാരം. പുന ക്രമീകരണത്തിന് മുന്‍പ് സംസ്ഥാനത്ത് 30,471 പോളിങ് സ്റ്റേഷനുകളാണ് ഉണ്ടായിരുന്നത്. പുന ക്രമീകരണത്തിന്റെ ഭാഗമായി 216 പുതിയ പോളിങ് സ്റ്റേഷനുകള്‍ രൂപീകരിച്ചു. അഞ്ച് പോളിങ് സ്റ്റേഷനുകള്‍ സംയോജിപ്പിച്ചു. 178 പോളിങ് സ്റ്റേഷനുകളുടെ സ്ഥലം മാറ്റുകയും ചെയ്തു. സംസ്ഥാനത്തെ ആകെ പോളിങ് സ്റ്റേഷനുകളുടെ എണ്ണം 30,682 ആയി. സൗകര്യങ്ങള്‍ മെച്ചപ്പെടുത്തുന്നതിന്റെ ഭാഗമായാണ് പുനക്രമീകരണം നടന്നത്.
തിരുവനന്തപുരം: സംസ്ഥാനത്ത് തുലാമഴ വീണ്ടും ശക്തി പ്രാപിക്കുന്നു. കനത്ത മഴയും ഇടിമിന്നലിനുമുള്ള സാധ്യത കണക്കിലെടുത്ത് ഇന്ന് പതിനൊന്ന് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. തൃശൂര്‍, പാലക്കാട്, മലപ്പുറം ഒഴികെയുള്ള ജില്ലകളിലാണ് മുന്നറിയിപ്പ്. നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം എന്നീ ജില്ലകളിലും മഴ മുന്നറിയിപ്പുണ്ട്.